Боловсрол их энгийндээ хувь хүний хөгжил. Хүний нийгэмд хүн байхад тань туслах хамгийн хүчирхэг зэвсэг. . .

 Улс эх орны хамгийн үнэ цэнэтэй бүхнийг ойрын жилүүдэд хамгийн боломжтой хувилбараар бий болгох гэсэн Ардчилсан намын үндсэн бодлого бол Монгол Хүн 2020. Үүн дотроо ихээхэн жин дарах хэсэг бол Яалт ч байхгүй  БОЛОВСРОЛТОЙ МОНГОЛ ХҮН.

Боловсрол гэдэг ганц нэг хүний өмч биш энэ бол нийгмийн асар их том давалгааны чиглүүлэгч хөдөлгүүр. Монгол улс хөгжих эсэх нь мөн чанар дээрээ Боловсролтой Монгол хүн танаас л хамаарна. Нийтийн өмч байдлаар шууд утгаар нь ойлговол ихээхэн учир дутагдалтай. Та боловсролтой байх нь таны л сайн сайхан амьдралын баталгаа. Түүнээс бус та боловсролтой байснаараа хэн нэгэн өөр нэгэн газар сайн сайхан амьдарна гэсэн үг биш. Өнөөгийн Монгол улсын боловсролын тогтолцоо системийн хувьд ихээхэн гажуудалд орсон түүнийг шүүмжилж ярьвал урт дараалал цаг хугацаа урсана . . .

Тэгэж цаг аваад яахав.  

-          Товчхондоо бол Боловсрол гэдэг ганц мэдлэг биш. Тиймдээ ч Хөдөлмөрийн баатар Л.Түдэв гуай амьдралын их сургуульд хугацаагүй сурах сайхан гэж хэлсэн болов уу.

 -          Мэддэг чаддаг зүйл бол таныг хаа нэгэн газар байгууллага хамт олны дотор үнэлүүлэх нэг үнэлэмж. Харин боловсрол гэдэг сэтгэлгээ, хүмүүжил төлөвшил,  сэтгэл зүй, амьдрах чадвар, өрсөлдөх чадвар,  тэвчээр хатуужил, мэдлэг, хандлага   гэхчилэн олон ойлголтуудын цогц нэгдэл юм.

 -          Хүн өөрийгөө боллоо гэж хэзээ нэгэн цагт бодлоо л бол уруудах алхамаа нэг шат ахиулж байна гэж бодох хэрэгтэй гэдэг. Тиймээс алхам тутуамдаа ухаан зарж амьдрах,  Боловсролтой Монгол хүн таныг ямагт  өөрөө өөрийгөө хөгжүүлж байгаарай гэж хүсье.

“БОЛОВСРОЛ”  хүнд  өөрөө өөртөө итгэлтэй байх тэрхүү зан төлөвийг өгдөг. Өөртөө итгэлтэй байх Эрхэмсэг Ихэмсэг хоёрын хооронд хол оо зай бий гэдийг санахад илүүдэхгүй. Өөртөө итгэлтэй хүн аливаад амжилт гаргаж  чаддаг.   

Бид Монгол хүн учраас Монгол улсынхаа ирээдүйд эрдэмтэй чадалтай Мэдлэг боловсролтой залуучууд их байгаасай гэж хүсдэг.  

 Бид  Монголчууд учраас энэ эх орныхоо сайн сайхан өнгө зүйстэй бүхнийх нь гэрч нь  биш харин хамтран ороод бүтээгч нь байхыг хүсч байна. 

 Бид 800 зууны түүхэнд агуу баатарлаг байсан нь  үнэн гэхдээ түүнээсээ илүүтэйгээр АГУУ ИХ ҮЗЭЛ САНААГ хүндэтгэж, түүнд итгэж чадсаны хүчинд дэлхийд нэрээ гаргаж чадсан. Мөнх хөх тэнгэр мэдтүгэй гэдэг үгийн цаана агуу их үзэл санааны нэгдэл бий. Тэнгэрийн тааллаар амьдарч  ирсэн бидний уламжлал цагийн уртад мөнхөд батлагдана.

Монгол орны хөгжил дэвшлийн их хөшүүрэг, ард түмний мэдлэг боловсрол  оюуны эх булаг болсон орчин цагийн Боловсролын салбар үүсэж хөгжсөөр өдгөө  90 оныг түүх болгон бичиж байна.  Мэдээж өнөөдрийн монголчуудын энэ газар нутагт эртний үеэс олон улс гүрэн үүсэн байгуулагдаж, мандаж, мөхөж явсан бөгөөд тэдгээрийн боловсролын түүх нь олон мянган жилээр тоологдоно.

 ХХ1 зууны хаана ч үнэлэгдэх дэлхийн боловсролтой, хүмүүнлэг, хариуцлагатай, хүчирхэг  монгол хүнийг төлөвшүүлэх зорилтыг бий болгохын төлөө олны хандлагыг та ажиглаж болно. Гэхдээ өөрийнхөө давуу талыг олж түүнээ ирлэж явах нь илүү үр дүнтэй. Хүүхэд муу сурах нь түүний  буруу биш сурах арга барилд сургаж буй арга барил нь таарахгүй байна гэсэн үг. 

НЭГЭН ЗҮЙЛ БОДОЛ

 Тайвуухан алхаа нь  нийгмийн өөрчлөлтийн асар том давалгаа болж

Даруухан бодол нь агуу мөрөөдөл болон биелдэг                                     

Монгол залуу хүн танд энэ өдрийн мэндийг хүргье.

Мэдээлэлтэй хүн боломжоо олж хардаг АРДЧИЛСАН, ЭРХ ЧӨЛӨӨТ  нийгмийн хамгийн эмзэг бас хамгийн хүчтэй сонирхолтой салбарт хүч түрэн зүтгэж байгаа мэргэжил нэгт дүү нартаа мэдээллийн гэгдэх эрин зуунд энэ салбарын хамгийн идэвхитэй хэсэг нь та нар байх ёстой юм шүү гэдэг энгийн үгээр урам нэмье. Хэвлэл мэдээлэл бол хүний нийгэмд ухаарлын замыг засан, сэтгэлийн таашаалд хөтлөж байдаг нийгмийн сэтгэхүйн инженерчлэлийн урлаг болтол хөгжсөн хамгийн чухал салбар. Нийгмийн эерэг, сөрөг өөрчлөлт бүхэн өөр өөрийн сургамжтай байдаг. Тэр ч үүднээс мэдээллийг хаанаас ч хэн ч өгч чадахаар болсон өнөө үед, энэ салбарын мэргэжилд хүч түрэн орж ирж буй залуусд, шинэ шинэ бас далд агуулгатай хүчтэй сорилтууд олноор бий болж байгааг дуулгаж,  амьдралд тохиолдох бэрхшээл бүр таныг улам хурцалдаг бас хөгжүүлдэг гэдгийг хэлье!  Тиймээс  . . .                 

Мэдээлэл танд мэдлэг болох ёстой гэдгийг ухаар.   

Түүнчлэн мэдлэгт ухаарал хайрлах, сэтгэлд дэм болох үг хэзээ ч илүүддэггүй учир түлхүүр үг болон тухайн сэдэвтэй холбоотой хэлц үгийг хамгийн чухал гэсэн санааг хармаандаа авч явах чадвартай байх ёстой.
/Цүнхэндээ алхтай хүнд асуудал бүхэн хадаас болж харагддаг/

Монгол Улс маань хүн амтайгаа харьцуулахад  телевиз радиогынхоо тоогоор дэлхийд тэргүүлж буй орон.  Магадгүй гажуудал мэт боддог хүмүүс байдаг ч, хөгжлийнхөө  зөв эрэмб дарааллаар  сайн муугаа дуудалцаад л явж байна.

 / Өрсөлдөөн дундаас хөгжил бий болдог хорвоогийн хууль /

Яг энэ л үед  Монголын оюун санааны  хөгжлийн хамгийн чухал хаалган дээр сууж байгаа эрхэм залуучууд та бүхэн өнөө үе болоод дараа үеийн сэтгэхүйн  хөгжлийн гол толь нь бас зүрх нь болох ёстой. Тиймээс ганц мэдлэг хайх, боловсруулах чадвар хангалтгүй. Мэдлэгтэй чадвартай залуус гэдэг Монгол улсын, Монгол төрийн  цохилох зүрх бадамлах голомт нь. Гэхдээ мэдлэг чадвартай залуучуудыг  нийгмийн зөв үйлдэлийг идэвхийлэн дэмждэг “МӨНХИЙН ТЭМҮҮЛЭЛТ”  чанар ямагт дагах учиртай байдаг юм.

    

Би Монгол Хүн

Би Монгол хүн учраас Монгол улсын ирээдүйд итгэдэг

Би залуу хүн учраас нийгэмд дэх байр сууриа зөв олж сайн сайхан амьдрах учиртай. Надад муу амьдрах эрх үгүй. Тийм эрх чөлөө ч хэрэггүй.

Би мөнх тэнгэртээ тэмүүлж хөлд орсон шиг ээ . . .

Би мөнх галын дуун анирт тэмүүлж хэлд  орсон шигээ . . .  

Ямагт оргилж,  лугшиж, мэдэрч амьдарна.

- Өнгөрсөн 70 жилийн лоозон амьдрал сайхан уу?

- Эсвэл 200 жилийн Хар манжийн дарлал уу ? 

- Эс бөгөөс Бага хаадын үеийн бутралын бусдын золиос уу? 

Цаашид ч тэр Монгол улсын эрх чөлөөг та бид дэлхийн хэмжээнд хэрхэн баталгаатай болгосон юм бэ?  Мөнхийн өндөлзөл мөнхөд оршиж буйг ямагт санаж, үүлэн чөлөөнд олдсон энэ л цаг үеийн  эх орныхоо эх орон болсон Монгол хүн та

Илүү хүчирхэг

Илүү хүнлэг

Илүү хариуцлагтай байхын төлөө алхам тутамдаа ухаан зарж яв.

Амьдралын хором мөчийг өнгөрөөх тусам ухаан суух нь,  хүмүүнд өөрт нь ухаан тэлэхийн жаргалыг илүү ихээр мэдрүүлэх нь үнэхээр гайхалтай . . .

зүгээр л

Агуу их тулааны өмнө нам гүм байдал ямагт үүсдэг. Энэ сарын хувьд илүү төлөвлөсөн, амарсан  байдалтай хүмүүс их байх шиг байна. Хэнээтэй ганц нэг хүн хааяахан юм ярих нь жингийн цуваа явж л байгаагийн нэг илрэл бололтой. Явж л байг хөөрхий  хорвоогийн хууль,  хугацааны шалгууранд шигшигдэх байлгүй.


Зогсолт нь илүү хол харайхын эхлэл.  Сайтар төлөвлө  . . . бас бод . . .  ямар нэгэн сайн үр дүн гарна гэдэгт итгэлтэй байна.

НЭГЭН ЗҮЙЛ

Түрүү үеийн гаргасан замаар дараа үеийнхэн нь явдаг. Түмэн жилийн тэртээд ч ийм л тавилан эрхшээж байсан.  Анх бий болсон цагаасаа эхлэн хүмүүн  Эрх чөлөөнд тэмүүлсээр Атгахан энэ орчлонд эрх чөлөөг ямагт хүсэж амьдардаг. Агуу их эрх чөлөөг хүсэмжлэх сэтгэлгээний бодол дор орших санаа минь телевиз бага үз, радио их сонс гэх юм.  Бага насны минь суурь ухаанд төлөвших үлгэрийн гэх  их төсөөлөлд дэндүү их эрх чөлөө байж дээ. Үлгэрийн баатруудын зоримог хүчирхэг дүр төрх, Өөдөөс нь өрвөлзөх дайны эсрэг дүр, дайсны талын мангасууд хэрхэн ямархан дүр төрхтэй гэдгийг ёстой л эмээгийн,  өвөөгийн үйл хөдөлгөөн дуу хоолой бүрээр нь нотолгоо хийж,  түмэн зүйлийн сэтгэлгээг ургуулдаг бий болгодог байж дээ. Харин одоо үлгэрийн баатруудыг үр хүүхдүүд маань хүүхэлдэйн дээрээс тогтсон нэг дүрээр нь шууд хүлээн авдаг болсон байна. тХөгжил дэвшилд сайн ч бий саар нь бий. Гэхдээ хүн өөрөө сонголтооо хийж амьдардаг болохоор та өөрийгөө бодож  радио сонсоорой гэж зөвлье. РАДИО хүнийг  төсөөлөлд оруулдаг шүү. Сонсдог ном сонсоорой хүн илүү бодолд орж ухаан тэлж тархи ажилдаг юм шүү.

МОНГОЛ ХҮН МОНГОЛ ХҮНДЭЭ ЭХ ОРОН

Тэнгэрийн тааллаар амьдарч бас  шийдэж ирсэн Монгол түмний  уламжлалт  их баяр цэнгэл сайхан болж өнгөрлөө. Сэлэнгэ нутгаас минь улсын арслан төрлөө. Нутгийн уулс өндөлзөж,  салхи нь нар зөв ивээсэн энэ жилийн наадам зон олны минь хувьд итгэл сэтгэл их үйлсэд тэмүүлэх нэгэн жарны урам хайрлалаа. Сайхан байна.
Зүрхэнд гэр бүл 
Сэтгэлд нутаг ус
Итгэлд эх орон  гэдэг . . .    
Монголын төлөө чилэх сэтгэлтэн бүхэнд сайхныг хүсье.

Наадмын өнгө

Монгол ухаан хөгжлийн хүнд хөшүүн асуудлаа шийдэх төрөлхийн чадвартай гэдгийг дахин дахин баталж,  өнгөрсний   мянга мянган жилийн  гашуун түүхийн сургамжит омогшил, өнөөгийн бодит түүхийн бүтээн байгуулалт сайн сайхан бүхний биечлэл, ирээдүйн шинэ шинэ дэвшил, сэргэн мандлын их ундрага мөнхөд гэрэлтэй байг . . .
Монгол хүн Монгол хүнээ хүндэтгэж сайхан наадаарай.
Монгол төрийн өлмий бат оршиг . . .